Fréttabréf: Sumar 2012

Skylminga- og leikjanámskeið fyrir 7-12 ára

Skylminga- og leikjanámskeið SFR er fyrir krakka á aldrinum 7 – 12 ára sem hafa gaman af íþróttum og útivist. Á námskeiðinu er stefnt að því að kynna nemendum helstu grunnatriði skylmingaíþróttarinnar. Við leggjum mikla áherslu á að námskeiðið sé fjölbreytt, spennandi og skemmtilegt og við nýtum okkur frábæra staðsetningu í Laugardalnum. Farið verður í fjölbreytta og skemmtilega leiki, í Fjölskyldu- og húsdýragarðinn, í sund í Laugardalslaug.

Skylminganámskeið fyrir börn og unglinga 10 ára og eldri

Skylminganámskeið SFR er fyrir börn og unglinga 10 ára og eldri sem hafa gaman af skylmingaíþróttinni og vilja kynnast þessari skemmtilegu íþrótt. Á námskeiðinu er stefnt að því að kynna nemendum helstu grunnatriði skylmingaíþróttarinnar. Skylmingar eru mjög skemmtileg íþrótt bæði fyrir stelpur og stráka.

Skylmingar hafa oft verið kallaðar líkamleg skák. Skylmingamaðurinn heldur til leiks með ákveðna leikaðferð í huga en þarf sífellt að endurskipuleggja leik sinn eftir viðbrögðum andstæðingsins og leikstíl hans. Að auki þarf skylmingamaðurinn að hafa góða stjórn á líkamanum, gott jafnvægi og mikla samhæfingu. Einnig þarf hann að geta hugsað hratt undir miklu álagi.

Félagsmót SFR

Fréttabréf 2012-03

Heil og sæl öllsömul!

Gleðilegt ár og takk fyrir það gamla!

Fyrsta skylmingaæfingin á nýrri önn verður mánudaginn 9. janúar og fara æfingar fram á sama tíma og á haustönn. Ef einhver breyting verður á samsetningu hópa geta orðið einhverjar breytingar.

Við gerum ráð fyrir því að allir haldi áfram en ef ekki þá vinsamlegast látið vita í síðasta lagi 7. janúar.

Sjá meðfylgjandi fréttabréf: 2012-01